Yoruba/EÌdeÌ

Kú Àbọ̀ sí Ètò-Ìkànìyàn ti Ọdún 2011.

Ní ọjọ́ Àìkú, ọjọ́ Kẹwàá, oṣù Kẹrin ni ẹ̀kùnrẹ́rẹ́ Ètò-Ìkànìyàn àwọn Olùgbé yóò wáyé ní orílẹ̀-èdè Ireland. Ètò-ìkànìyàn náà yóò ka ẹni kọ̀ọ̀kan tí n bẹ ní Orílẹ̀-èdè Ireland ní alẹ́ ọjọ́ náà. Àbáyọrí rẹ̀ yóò wúlò fún pàtàkì ìṣirò, ó sì wà fún gbogbo ènìyàn láti lò. Àbájáde ètò-ìkànìyàn àkọ́kọ́ yóò jáde nínú oṣù Kẹfà ọdún yìí.

Jọ̀wọ́ tẹ orí àwọn àsomọ́ ìsàlẹ̀ yìí fún ẹ̀kúnrẹ́rẹ́ àlàyé lórí Ètò-Ìkànìyàn ọdún 2011:

Bojúwò ó/ṣe àgbésọ̀ fọ́ọ́mù fún ètò-ìkànìyàn náà ní ìtumọ̀sí-èdè míràn níbí.

Bojúwò ó /ṣe àgbésọ̀ Ìwé-pélébé fún Ètò-ìkànìyàn

Bojúwò ó /ṣe àgbésọ̀ Irohin nipa Ètò-ìkànìyàn ti ọdun 2006 “Fun Awọn ti Ki i Ṣe Ọmọ-Ilẹ̀ Ireland” (ní èdè Gẹ̀ẹ́sì nìkan).

Àlàyé lórí Ètò-ìkànìyàn ọdún 2011

Kín ni ètò-ìkànìyàn ?
Nígbà wo ní ètò-ìkànìyàn tí ó kàn?
Njẹ mo ní láti kọ fọ́ọ̀mù̀ náà?
Kín ni mo ní láti ṣe?
Njẹ̀ ó boni ní àṣírí?
Kín ni ètò-ìkànìyàn náà wúlò fún?
Níbo ni mo ti lè rí ìrànwọ́ gbà?

Kín ni ètò-ìkànìyàn ?

Ètò-ìkànìyàn jẹ́ kíka gbogbo ènìyàn tí n bẹ ní orílẹ̀-èdè yìí ní alẹ́ ọjọ́ ètò-ìkànìyàn. Ní alẹ́ ọjọ́ ètò-ìkànìyàn, gbogbo ènìyàn nínú orílẹ̀-èdè náà ní ó gbọ́dọ̀ kópa nínú ètò-ìkànìyàn náà, tí ó sì gbọ́dọ̀ jẹ́ ara iye àwọn ènìyàn àti ibùgbé tí a kà lábẹ́ òfin, èyí tí ó máa n wáyé ní ọdún márùn ún-márùn ún ní ilẹ̀ Ireland.

Nígbà wo ní ètò-ìkànìyàn tí ó kàn?

Ètò-ìkànìyàn tí n bọ̀ lọ́nà yóò wáyé ní alẹ́ Ọjọ́ Àìkú, Ọjọ́ Kẹwàá, oṣù Kẹrin, ọdún 2011. Ènìyàn kọ̀ọ̀kan tí n bẹ ní orílẹ̀-èdè yìí ní ọjọ́ náà ní ó gbọ́dọ̀ wà lórí fọ́ọ̀mù ètò-ìkànìyàn kan. A gbọ́dọ̀ kà ọ́ lórí fọ́ọ̀mù ètò-ìkànìyàn kan níbikíbi ní ilẹ̀ Ireland – bóyá nínú ilé rẹ, tàbí o wà pẹ̀lú àwọn ọ̀rẹ́ àti ìbátan, tàbí ní ilé-ìwòsàn, abbl.

Njẹ mo ní láti kọ fọ́ọ̀mù̀ náà?

Bẹ́ẹ̀ ni. ẹnikẹ́ni tí ó wà ní orílẹ̀-èdè yìí ní alẹ́ ọjọ́ ètò-ìkànìyàn gbọ́dọ̀ kópa nínú rẹ̀. Bẹ́ẹ̀ ni òfin sọ. Ìlanilọ́yẹ̀ tí ètò-ìkànìyàn náà máa n pèsè ṣe pàtàkì fún ṣísètò fún ọjọ́-iwájú gbogbo wa, torí náà, o ṣe pàtàkì kí ẹ̀nìkọ̀ọ̀kan kópa nínú rẹ̀.

Kín ni mo ní láti ṣe?

Akọ̀wé ètò-ìkànìyàn rẹ yóò fi fọ́ọ̀mù ètò-ìkànìyàn rẹ sọwọ́ sí ìbùgbé rẹ ní bí i ọ̀ṣẹ̀ 3 sí 4 saájú Alẹ Ọjọ́ Ètò-Ìkànìyàn náà. O ní láti pa fọ́ọ̀mù yìí mọ́ síbì kan títí di ọjọ́ ètò-ìkànìyàn. Inú akọ̀wé náà yóò dùn láti dáhùn ìbéèrè yòówù tí o bá ní nípa fọ́ọ̀mù náà.

Ní ọjọ ètò-ìkànìyàn, o ní lati kọ fọ́ọ̀mù náà parí fún ènìyan kọ̀ọ̀kan nínú ìdílé rẹ, kí o sì buwọ́lu ìbúra tí ó wà ní ìparí fọọmi náà, nigba ti o bá kọ ọ́ parí. Jọwọ fi pamọ daadaa títí tí a ó fi gbà á padá lọwọ rẹ. Akọ̀wé ètò-ìkànìyàn rẹ yóò pè ọ ní bí i ọ̀ṣẹ̀ 2 sí 3 lẹ́yìn ètò-ìkànìyàn náà lati gba fọọmu náà lọwọ rẹ. Inú wọn yoo sí dùn pẹ̀lú lati ran ọ lọwọ ti o ba ni ìṣòro yoowu nipa kíkọ fọọmu náà. O le yẹ ìdánimọ̀ akọwe naa nipa bibeere pe ki wọn fi Kaadi ìdánimọ̀ wọn hàn ọ.

Njẹ̀ ó boni ní àṣírí?

Bẹ́ẹ̀ ni. Gbogbo idahun tí o bá kọ sori fọ́ọ̀mù ètò-ìkànìyàn náà pátá ní a kò ní í fi hàn ẹni kankan, fún pàtàkì ìṣirò níkan ni a ó lò ó fún. A kò ní fi àlàyé kankan nípa rẹ fún àjọ tabi aṣojú ìjọba kankan. Òfin ṣe ìlérí fún ọ bẹ́ẹ̀!

Kín ni ètò-ìkànìyàn wúlò fún?

A n lo ètò-ìkànìyàn naa lati pese ìfitónilétí nípa awọn eniyan ti n gbe ní ilẹ Ireland. Ìjọba ti ẹlẹ́kùn-jẹkùn ati ti ìbílẹ̀, awọn ilé-iṣẹ okoòwò, awọn agbegbe ìbílẹ̀ ati awọn míràn ni yoo lò ìfitónilétí yìí, lati ràn wọ́n lọwọ ki wọn lè ṣè awọn ipinnu, fún awọn ètò ọjọ-ọ̀la nipa ọrọ ẹ̀kọ́, ti ílera, ìpèsè-iṣẹ́, ti ìrìnnà-ọkọ̀ ati awọn ìpèsè awọn ànfààní míràn. Ìfitónilétí náà kò ní í ṣe òfófo awọn àlàyè nipa ara-ẹni. Tẹ orí ibí fún àlàyé sí ii ní èdè Gẹ̀ẹ́sì nípa awọn ànfààní ètò-ìkànìyàn náà.

Níbo ni mo ti lè rí ìrànwọ́ gbà?

Akọ̀wé ètò-ìkànìyàn rẹ wà fún ọ lati ṣèrànwọ́ fún ọ, tí inú rẹ̀ yóò sì dùn láti dáhùn ìbéèrè yòówù tí o bá ní nípa ètò-ìkànìyàn náà tabi nípa kíkọ fọ́ọ̀mù náà.

Ìtumọ̀sí-èdè míràn an fọ́ọ̀mù ètò-ìkànìyàn tún n bẹ ní àwọn èdè 21 tí wọn wà ní ìsàlẹ̀ yìí ní èdè: èdè Poland, èdè Romania, èdè Lithuania, èdè Faranse, èdè Jamani, èdè Russia, èdè Spain, èdè Yoruba, èdè China, èdè Slovakia, èdè Hungari, èdè Potogi, èdè Larubawa, èdè Itali, èdè Czechoslovakia, èdè Latvia, èdè Estonia, èdè Bulgaria, èdè Hindu, èdè Urdu àti èdè ilẹ Swahili. Ìwọ yóò rí àlàyé tí ó wà ní èdè kọ̀ọ̀kan nípa títẹ orí ibí.

O lè tẹ orí àwọn àsomọ́ ìsàlẹ̀ yìí lati rí àwọn àlàyé gbà sí i nípa fọ́ọ̀mù Ètò-ìkànìyàn náà ní èdè Gẹ̀ẹ́sì, àti bí a ṣe n kọ ọ́ ní:

Ìtọ́nisọ́nà nípa bí a ṣe n Kọ Fọ́ọ̀mu Ètò-ìkànìyàn náà Parí – èyí n rannilọ́wọ́ nípa bí a ṣe n dáhùn àwọn ìbéèrè ní ṣíṣẹ̀-n-tẹ̀lé dé ìparí.
Ìtọ́nisọ́nà lórí àwọn Ìbéèrè nípa Ètò-ìkànìyàn 2011 – èyí n ṣàlàyé ìbéèrè kọ̀ọ̀kan, àti ìdí tí a fi bèèrè rẹ̀ lọ́wọ́ rẹ, àti data tí a máa lò ó fún.

Torí náà, kọ awọn ohun tí ó yẹ sínú fọ́ọ̀mù ètò-ìkànìyàn náà ní Ọjọ́ Àìkú, Ọjọ́ Kẹwàá, oṣù Kẹrin, ọdún 2011 kí o sì ṣèrànwọ́ lati rí i dájú pé Ètò-Ìkànìyàn 2011 yọrí sí rere.

Yoruba/EÌdeÌ

Kú Àbọ̀ sí Ètò-Ìkànìyàn ti Ọdún 2011.

Àlàyé lórí Ètò-ìkànìyàn ọdún 2011

The Census ... and You